ميدو يفتح النار على أحمد مجاهد : «الكرة المصرية هى اللي عملتك .. وليه عايز الناس تبقى فاشلة زيك!»

فتح أحمد حسام «ميدو»، نجم الزمالك السابق، النار على أحمد مجاهد رئيس اتحاد الكرة المصرى السابق، بسبب افتعاله لأزمات تورط اتحاد الكرة المصرى الحالى برئاسة جمال علام.

وقال ميدو في تصريحاته عبر برنامج «الريمونتادا»، المذاع على قناة «المحور»: «الكرة المصرية هي اللى عملت أحمد مجاهد، وأنت بتشتغل دلوقتي في الاتحاد الأفريقى ومعاك منصب بتقبض منه كويس، ليه عايز تفتعل الأزمات ومركز إنك تحارب الكرة المصرية؟».

وأضاف: «ليه عايز الناس كلها تبقى فاشلة زيك يا أحمد يا مجاهد؟، نفسى أعرف مين اللى وراك، والكل ساكت على تاريخ عيلتك أو بعض الأفراد فيها؟».

وختم حديثه قائلا: «لازم اتحاد الكرة الحالى يرد على الناس اللى بتحاربه، ولازم يبقى ليكوا وقفة قدام أحمد مجاهد اللى عايز يحارب الكرة المصرية، ويفتعل أزمات فيها، مجاهد إتحط في نفس الموقف وسموحة طلب المشاركة في الكونفدرالية في عهده واتحاد الكرة قاله دى مش قصتنا، ومجاهد رد قالهم روحوا اشتكوا في الاتحاد الأفريقى ليه عايز كل الناس تبقى فاشلة زيك».